Random

Aapko bhool jaayen hum

Aapko bhool jaayen hum, itny toh bewafa nahin,

aap se kya gilaa karen, aap se kuch gilaa nahin..

 

Sheesha e dil torna un ka toh ek khel hy,

hum se hi bhool ho gayi unki koi khataa nhi..

 

Kaash woh apne gham mujhe de de toh kuch sukoon mily,

woh kitna badnaseeb hy gham bhi jise mila nahin..

 

Hum toh samajh rahy thy yeh tum mily pyaar mil gaya,

ik tere dard ke siwa, hum ko toh kuch mila nahin..

Advertisements
Standard
Random

Aalam e khwab ho ya khwab ki taabeer ho tum

Aalam e khwab ho ya khwab ki taabeer ho tum,

aisa lagta hy ke jaise meri taqdeer ho tum..

 

Men aseer e gham e ulfat hon yeh maana laikin,

beriyaan paaon ki ho, hath ki zanjeer ho tum..

 

Mere imkaan men nahin dil se bhulana tum ko,

dil ke aaenay pe likhi hui tehreer ho tum..

 

Teer o nishtar hen barasty adaaein kya hen,

barf ki tarha chamakti hui shamsheer ho tum..

Standard
Random

Mujhe berukhi ki na de saza

Meri zindagi mere paas aa mujhe berukhi ki na de saza

tere sath jo na guzar saky mujhe aisi umr na de Khuda..

Tu jahan se raah badal gayi, men hon muntazir usi morr pe,

mere zakhm e dil ki qasam tujhe chali aa samaaj ko chorr kar..

mere dil ka dar hy abhi khula meri zindagi mere paas aa..

Mujhe berukhi ki na de saza..

Tere sath jo na guzar saky mujhe aisi umr na de Khuda..

Standard