Poetry

Suna hy log usy aankh bhar ke dekhty hen..

Suna hy log usy aankh bhar ke dekhty hen,
so us ke sheher men kuch din thehir ke dekhty hen..

Suna hy din ko usy titliyaan sataati hen,
suna hy raat ko jugnu thehir ke dekhty hen..

Suna hy rabt hy usko kharaab haalon se,
so apny aap ko barbaad kar ke dekhty hen,

Suna hy dard ki gaahak hy chashm e naaz uski,
so hum bhi uski gali se guzar ke dekhty hen..

Suna hy usko bhi hy sher o shaairi se shaguf,
so hum bhi mojizy apny hunar ke dekhty hen..

Suna hy boly toh baaton se phool jharty hen,
yeh baat hy toh chalo baat kar ke dekhty hen..

Suna hy raat usy chaand takta rehta hy,
sitaary baam e falak se utarty hen..

Suna hy us ke badan ki taraash aisi hy,
ke phool apni qabaaein qatar ke dekhty hen..

Suna hy hashr hen uski ghazaal si aankhen,
suna hy usko hiran dasht bhar ke dekhty hen..

Suna hy uski syaah chashmagi qayamat hy,
so usko surma farosh aah bhar ke dekhty hen..

Suna hy usky labon se gulaab jalty hen,
so hum bahaar pe ilzaam dhar ke dekhty hen..

Suna hy aaeena tamsaal hy jabeen uski,
jo sada dil hen usy ban sanwar ke dekhty hen..

Bas ik nigaah men lut’ta hy qaafila dil ka,
so rahravaan e tamanna bhi darr ke dekhty hen..

Suna hy usky shabistaan se muttasil hy behisht,
makeen usdhar ke bhi jalvy idhar ke dekhty hen..

Kisy naseeb ke be-perahan usy dekhy,
kabhi kabhi dar o deewar ghar ke dekhty hen..

Ruky toh gardishen uska tawaaf karti hen,
chaly toh usko zamaany thehir ke dekhty hen..

Kahaniyan hi sahi sab mubaalgy hi sahi,
agar yeh khwaab hy taabeer kar ke dekhty hen..

Ab us ke sheher men thehren ke kooch kar jaayen,
Faraz aao sitaary safar ke dekhty hen..

Ahmed Faraz

Advertisements
Standard

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s